Almatyda qalalyq máslıhattyń kezekti májilisi ótti. Jıyn barysynda jergilikti búdjet qarjysyn qaıta bólý esebinen qalalyq búdjet 9,3 mlrd teńgege túzetildi, dep habarlaıdy Qamshy.kz aqparat agenttigi.

Bul qarjy 5 myń jumys ornyn ashýǵa múmkindik beredi.

Atalǵan qarjy negizinen jastardy jan-jaqty qoldaýǵa baǵyttalmaq. 

2017 jyly   Qazaqstan Respýblıkasy Prezıdenti Nursultan Nazarbaevtyń tapsyrmasymen  «Jastar jyly» dep jarıalanǵan bolatyn.

Osyǵan baılanysty jastardy qoljetimdi turǵyn úımen qamtamasyz etýge  1,8 mlrd teńge bólindi.

«Bul máseleni sheshý úshin «Turǵyn úı qurylys jınaq banki» arqyly turǵyn úı satyp alýǵa jastarǵa jeńildikpen nesıe berý mehanızmin qoldaný usynylady.  Turǵyn úı nesıesi jylyna 5%-ben beriledi. Osy maqsattar úshin jergilikti búdjetten 1 mlrd teńge bólý josparlanyp otyr. Jergilikti búdjetten 303,2 mln teńge qarajat densaýlyq saqtaý salasyna, jedel járdem shaqyrý sanyn kóbeıtýge, 3 densaýlyq saqtaý nysanyn  seısmıkalyq kúsheıtý jáne onkoortalyq salýǵa baǵyttalady», - dedi  ekonomıka jáne búdjettik josparlaý basqarmasynyń basshysy İlıas Óserov.

Sondaı-aq,  İlıas Óserov bıylǵy jyly «Balapan» memlekettik tapsyrysy boıynsha qarjylandyrýdy 71 mln teńgege arttyrýdy jáne 3 balabaqsha men 3 mektepke ınjenerlik jelilerdi júrgizýdiń bastalǵanyn, oǵan 2,6 mln teńge bólingenin aıtty. 

Budan ózge 2017-2018 oqý  jyly aıaqtalǵan soń 10 mln teńgege eki mektepte seısmıkalyq kúsheıtý jumystary  bastalady.

Qalanyń sporttyq áleýetin damytý jáne qoldaý maqsatynda maýsymdyq muz aıdynyn ashýǵa qosymsha qarjy bólý josparlanýda.

Atalǵan muz syrǵanaqtary  qala turǵyndary úshin tegin qyzmet kórsetetin bolady.

«Qalaǵa kelýshi jekemenshik týrıserge qolaıly jaǵdaı jasaý maqsatynda  qalanyń basty kórikti jerlerin aralaý  úshin ekskýrsıalyq týrısik avtobýs iske qosylady, ol qalanyń negizgi kórikti jerlerin kórýge múmkindik beredi», - dedi I.Ýserov.

Budan ózge, İİD materıaldyq tehnıkalyq bazasyn nyǵaıtýǵa 10 evakýator satyp  alý, qalalyq sot  ǵımaratyn salýdy jalǵastyrýǵa, tıimdi jumyspen qamtý jáne buqaralyq kásipkerlikti damytý baǵdarlamasy sheńberinde shaǵyn jáne orta kásipkerlik sýbektilerin nesıeleý aıasynda 10 avtokólikke arnalǵan 2 órt sóndirý stansasynyń jobalyq-smetalyq qujattamalardy ázirleýge jumsalady.

Qosymsha qarajat qalanyń  jol-kólik ınfraqurylymyn salý, Ian-Geıl tujyrymdamasyn iske asyrý aıasynda kóshelerdi jetildirý, sondaı-aq qalalyq onkologıalyq ortalyq  salý úshin jumsalady.

QR Prezıdentiniń «Rýhanı jańǵyrý» maqalasynyń sheńberinde halyqtyń rýhanı damýy men mádenı murasyna erekshe  nazar aýdarylatyn bolady. 

2017 jyly 47 úıdiń irge tasyn qalaý bastalady. Sonymen birge, «Nurly jer» baǵdarlamasynyń aıasynda Saıaly-2 yqshamaýdany 6 turǵyn úıdiń qurylysyna bólinedi.

Kólik ınfraqurylymyn damytý úshin 976,2 mln teńge bólý josparlanyp otyr. Onyń ishinde Abaı dańǵylyn uzartýdy bastaýǵa, Fýrmanov kóshesin sozýda  avtorlyq jáne tehnıkalyq qadaǵalaý júrgizýge, Almatınskıı  kóshesin qaıta jóndeýge, Panfılov kóshesindegi 6 retteletin jaıaý júrginshiler ótkelindegi qozǵalysty uıymdastyrýǵa, sondaı-aq qoǵamdyq kóliktegi jolaýshylarǵa jeńildikti jol júrý shyǵyndaryn óteýge baǵyttalady.

Aǵymdaǵy jyly 442 úı aýlalary  jóndelýde. Bul jumystar kelesi jyly da   jalǵasady, osyǵan baılanysty aýlalardy abattandyrý boıynsha jobalyq-smetalyq qujattamany ázirleýge 39,5 mln teńge bólinedi. Ortalyq mádenıet jáne demalys saıabaǵynyń aǵymdaǵy jóndeýine qosymsha 28 mln teńge bólinedi.

Esterińizge sala keteıik, bıylǵy jyly jergilikti damý búdjeti 1,5 esege artyp, 100 mlrd teńgege jetti. Osylaısha,  tek kóriktendirýge   2,3 ese, joldarǵa - 1,7 ese, ınjenerlik júıelerge - ótken jylmen salystyrǵanda 1,3 ese artyq bólindi.